resursi

მე-9 დღე

ჩემი პროექტის პორტფოლიო  - "წიგნი ჩემი მეგობარია"

         ეს  ტრენინგ-მოდული  დამეხმარა  გავცნობოდი   პროექტებით  სწავლებას, მის  ეფექტიანობას  მოსწავლეთა  განვითარებისთვის,  ამ  ტრენინგმა  საშუალება  მომცა  გამეკეთებინა  პროექტის  პრეზენტაცია. გავეცანი,  რომ  მოსწავლე  თავად  არის  აქტიურად  ჩართული  სასწავლო  პროექტის  განხორციელების  პროცესში,  ხოლო  მასწავლებელი  -დამხმარე (ფასილიტატორი) . უფრო  მეტად  გავაცნობიერე,   რომ   პროექტული  სწავლება  მოსწავლეებს  უვითარებს  21-ე საუკუნის  იმ  უნარებს,  რომელიც  მნიშვნელოვანია  თანამედროვე  განათლებული  პიროვნების  ჩამოსაყალიბებლად.
     კურსის  გავლისას  გავეცანი  სხვადასხვა  სახის  შეფასებას, შეფასების  რუბრიკებს, ჩეკლისტებს,  ,რომლის  საშუალებითაც  მოსწავლეები  შეძლებენ  მიცემული  დავალების  ადვილად  შესრულებას  და  მიიღებენ  შესრულებული  სამუშაოს  ირგვლივ  უკუკავშირს. ტრენინგის  მსვლელობისას  შევასრულე  მოსწავლის  სავარაუდო  ნიმუში
რაც  მათ  დაეხმარება  დავალების  სწორად  შესრულებაში. ამ  მოდულით  ვისწავლე  როგორ  წარვმართო  ჩემი  პროექტი ისე,  რომ  მოსწავლეებს  განუვითარდეთ  მაღალი  დონის  სააზროვნო  უნარები   და  სასწავლო  პროცესში  გავზარდო  მოსწავლეთა  ჩართულობა.
      ვისწავლე  როგორ  შევქმნა  ტექნოლოგიებით  გამდიდრებული  სასწავლო  პროექტი,  როგორ  განვსაზღვრო  მისი  მომზადების  დრო.
     ვფიქრობ,  ზემოთ  აღნიშნულიდან  გამომდინარე  ეს  ტრენინგ-მოდული  ჩემთვის  იყო  ძალზედ  ნაყოფიერი,  საინტერესო  და  მნიშვნელოვანი.
    ამ  საინტერესო  დღეებისთვის   მინდა  მადლიერება  გამოვხატო    და  მადლობა  გადავუხადო  ქალბატონ: ნინოს .

მერვე დღე

მეშვიდე  მოდულმა  დამაფიქრა  რამდენად მნიშვნელვანია, მთელი  პროექტის  განმავლობაში,  ეფექტურად  დასმული  შეკითხვები.  მივიღე  უკუკავშირები  კოოლეგებისგან, რის  შედეგადაც  მოვახდინე  ცვლილებები   ჩემი  პროექტის  გეგმაში, საკვანძო  შეკითხვებთან   მიმართებაში.  გავეცანი  ფასილიტაციის  ნიმუშებს,  რომელიც  დამეხმარა  შემექმნა,  საკუთარ  პროექტზე  მორგებული,  ფასილიტაციის  ნიმუში.

მეექვსე დღე

ვფიქრობ,  ჩვენი  ტრენერის  წყალობით,  დღევანდელი  ტრენინგი  ნაყოფიერი  იყო  ჩემთვის,  რადგან  მიმდინარე მოდულმა,    საშუალება  მომცა,   გამეანალიზებინა  მოსწავლეზე  ორიენტირებული  შეფასების  ფორმები,   რამდენიმე  თვალსაზრისით.  პორტფოლიოს  რუბრიკა  დამეხმარა ჩემი  კოლეგის  მოსწავლის  სავარაუდო  ნაშრომი   შემეფასებინა  განმავითარებელი  კომენტარით. ვიუვერში    ვნახეთ  შეფასების  მეთოდისა  და  ინსტრუმენტების  აღწერა,  რომელიც  „წილადების“ პროექტში  იყო.  პროექტის  გეგმის  შაბლონში  გავაკეთე  შეფასების  მეთოდების  მიხედვით  მოკლე  მონახაზი,   რომელიც  მოსწავლის  სავარაუდო  ნაშრომისთვის  გამოვიყენე.  

მეშვიდე დღე

მოსწავლის სავარაუდო ნაშრომი-ჩეკლისტი
  ეს მოდული  დამეხმარა  გამეანალიზებინა  დამოუკიდებელი  მსწავლელისა  და  დიფერენცირებული  მსწავლელის  როლი  რამდენიმე  თვალსაზრისით. შევქმენით ელექტრონულ  ფოტმატში  სავარჯიშო " ჟურნალი"  ჩამონათვალი  სქემის  შესავსებად, რომელშიც  მოცემულია  კონკრეტულად  გაწერილი  ინსტრუქცია, არის  მინიშნებები,რომლის წაკითხვის  შემდეგ  ბავშვი  დამოუკიდებლად  შეძლებს  ამ  სავარჯიშს  შესრულებას  და  განავითაროს  თვითრეგულირების  უნარიც.
   გეგმის  შაბლონში  შევიტანე  დიფერენცირებული  სწავლების მიდგომები:არაქართულენოვანი,  ნიჭიერი  ბავშვები,ს  სპეციალური  საჭიროების  ბავშვებისთვის.ეს  საშუალებას  მომცემს  ყველა  ტიპის  და  საჭიროების  მოსწავლე  ჩავრთო  საპროექტო  აქტივობებში.

მეხუთე დღე

    ამ  მოდულმა  საშუალება  მომცა  დავფიქრებულიყავი  რა  გავლენა  შეიძლება  ჰქონდეს  ინტერნეტს.  მესწავლა,  როგორ  დავიცვა  ჩემი  პროექტის  ფარგლებში  მოძიებულ  მასალაზე   საავტორო  უფლებები,   ვისაუბრეთ  მოსწავლეებისთვის  მათი  გაცნობის  აუცილებლობაზე.   ვისწავლე  bookmark-ის  გამოყენება,რაც  დამეხმარება  დავიმახსოვრო  საჭირო  საიტები  და  სწრაფად  შევძლო  მათი  მოხმარება. 

   უკუკავშირის რუბრიკის გამოყენებით   მოვახდინეთ ურთიერთშეფასება . გავეცანი  სხვადასხვა  საძიებო  სისტემას  და  ვისწავლე  როგორ  შევავიწროვო  ძიების  დიაპაზონი.
        მოსწავლის  სავარაუდო ნაშრომი.

მეოთხე დღე

      ეს  მოდული  დამეხმარა  გამეანალიზებინა  განმავითარებელი  შეფასების  ფორმების  გამოყენება  რამდენიმე  თვალსაზრისით,  დავადგინო  მოსწავლის  წინარე  ცოდნა,  რათა  სწორი  მიმართულება  მივცე   პროგრესის  მონიტორინგში. დამეხმარება  ჩემი  მოსწავლის  ცოდნის  გაგებაში  და  ცოდნის  გაგების  გამოყენებაში. ეს  მოდული  საშუალებას  მომცემს  ჩემი  მოსწავლეების  მეტაკოგნიკური უნარების  დადგენა-განსაზღვრაში. ავაწყე  ჩემი  პროექტის  პრეზენტაცია  ჩემს  კოლეგებთან  შეხვედრის  დროს  წარსადგენად.
   ჩემი  პროექტის  პრეზენტაცია